Məşhur kardioloq sağlam həyatın sirrini açdı

0
17

Ürək və daxili xəstəliklər üzrə mütəxəssis Canan Karatay iki illik fasilədən sonra “Karatayın Sözü – Hər Yaşda, Hər Zaman, Hər Şərtdə İmmunitet Zirehimiz” adlı yeni kitabı ilə susqunluğunu pozub. 

Medonline.az Türkiyə mətbuatına istindən istinadən xəbər verir ki, Karatay kitabında immuniteti gücləndirməyin asan və təsirli yollarından bəhs edib. 

O, virus və bakteriyalarla yaşamağa alışmağı, onlardan qorxmadan sağlamlığımıza diqqət edərək bir ömür sürməyin mümkün olduğunu ifadə edib. 

“2022-ci ilin martında 80 yaşım tamam oldu. 60 illik həkim olaraq son iki ildə qorxu və çaxnaşmaya səbəb olan, daha sonra bütün dünyada tətbiq olunan uzaqdan idarə olunan müalicə protokolları ürəyimi ağrıtdı! Hippokratın “Xəstəlik yoxdur, yalnız xəstələr var” ifadəsini prinsip götürərək həkim olduq və yarım əsrdən artıqdır ki, bu anlayışla təbabətlə məşğul oluruq! Bununla belə, Hippokrat andını içib onu məhv etməyə, “müasir” adlandırdıqları təbabətin humanist mahiyyətini məhv etməyə çalışanlar oldu. Sanki “xəstə yoxdur, xəstəlik var” deyib xəstəni yox, xəstəliyi müalicə etməyə çalışırlar. 17-ci əsrdə yaşamış fransız filosofu Volter deyirdi ki, tibb bir sənətdir, insanların diqqətini yayındırır, bədən isə özünü sağaldır! Bəli, tibb bir sənətdir, obyekti isə canlı insandır… Həyatımızın əsasını təşkil edən trilyonlarla canlı hüceyrəmizi sağlam saxlamaqdan vacib heç nə yoxdur. Qalanı ritorikadır. Biz bunu son iki ildə yaşadıq, gördük, hələ də yaşayırıq və təəssüf ki, yaxın illərdə də yaşaya bilərik”, – kitab barədə açıqlama verən həkim bildirib.

Canan Karatay həm də sağlam həyatın əsas qaydalarını bölüşüb:

“Bədənimizdəki bütün hüceyrələr tam sağlam deyilsə, həyatdan nə gözləntimiz ola bilər? Bizim prioritetimiz budur – bütün hüceyrələrimizi mövsümdə yetişən sağlam və təbii qidalarla təmin etməliyik ki, sağlam və güclü olsunlar. Beyin, ürək, damarlar, qaraciyər, böyrəklər, tənəffüs-həzm-sinir sistemi, bütün bağırsaqlarımız, digər orqanlar və hüceyrəvi immunitetimizi təşkil edən bütün hüceyrələr öz təbiətlərinə görə 3-4 aydan bir qocalıb ölür və bədənimizdən atılır. Ölü hüceyrələrimiz yeni, bütöv, güclü və gənc, sağlam hüceyrələrlə əvəzlənir. Hüceyrələrin yenilənməsini yalnız biz təmin edə bilərik. Yəni fiziki sağlamlığımızın məsuliyyəti öz əlimizdədir, başqasının əlində deyil! İmmun zirehli gücdür və bu, sağlam həyatımızın əsas qaydasıdır. Ona görə də mütləq oxumalı və özümüzü təkmilləşdirməliyik. Oxumağın və öyrənməyin yaşı yoxdur. Mən özümü tələbə kimi qəbul edirəm, oxuyuram, öyrənirəm, yazıram. Öyrəndiklərimi uşaqlarla, gənclərlə, insanlarla mümkün qədər paylaşmağa davam edəcəyəm. 

Viruslar əsrlərdir yer üzündə yaşayırlar. Viruslar heç vaxt yox olmur. Gücünü itirir, zəifləyib maskalanaraq – mutasiyaya uğrayaraq güclənir, həm sağ qalır, həm də xəstəliklərə səbəb olurlar. Biz ölürük, viruslar yox, mən bunu izah etməyə çalışıram. Bir ingilis atalar sözü var: “Həyat fırtınanın keçməsini gözləmək deyil, həyat yağışda rəqs etməyi öyrənməkdir”. Biz də viruslarla yaşamağı öyrənməliyik. Yəni immun zirehimizi gücləndirməliyik. Hər kəs öz həkimi olmağı da öyrənməlidir! Bu, 7-dən 70-ə qədər bütün yaş qrupları üçün ən ucuz, ən asan, əlverişli həyat tərzidir. Sağlam bir orqanizmə, gümrah və güclü bədənə, güclü immunitet zirehinə sahib olmaq və təbii şəkildə yaşamaq hər cür virus və bakteriyadan qorunmanın ən mühüm təməl daşlarıdır. İnsan orqanizmində çox mürəkkəb bir immun sistemi, başqa dillə desək, “immun şəbəkəsi” var. İmmun sistemi şəbəkəsinin yeganə vəzifəsi var, o da sağlamlığımızı qorumaqdır”.

PAYLAŞ

BIR CAVAB BURAXIN

Şərhinizi daxil edin!
Adınızı bura daxil edin

*

code