​Moskva görüşündə diqqət çəkən üç vacib məqam: Putin Əliyevə niyə təşəkkür edib? – DETALLAR

0
24

Dünən Rusiyanın paytaxtı Moskva şəhərində Azərbaycan Prezidenti İlham Əliyevlə, Rusiyanın dövlət başçısı Vladimir Putin arasında görüş keçirildi.

Əliyev-Putin görüşünün ictimaiyyətə açıq hissəsində üç məqam diqqət çəkdi: “Birincisi, Əliyev iki dəfə “münaqişədən sonrakı” ifadəsini işlətdi. “Prezident qeyd etdi ki, “münaqişədən sonrakı dövrün maksimum ağrısız keçməsi əzmindəyik, düşünürəm ki, ümumi səylərimizlə buna nail olacağıq”. Bu, “Moskvaya gələcəyi müzakirə etməyə gəlmişəm” deməkdir.

İkincisi, Vladimir Putin Əliyevə “kompromisli qərarların tapıldığı” üçün təşəkkür etdi və vurğuladı ki, “nizamlama istəyiriksə, – biz hamımız isə bunu istəyirik, – onda bu yolla getməliyik”. Bu, Rusiyanın Bakıdan güzəşt istədiyi deməkdir: “Lakin bu güzəştlər münaqişə ilə bağlı deyil. Münaqişənin bitdiyinə dair mövqeni Moskva da Bakı ilə paylaşır. Moskva üçün vacib olan Ermənistanın yox, Rusiyanın bölgədə qalmasını təmin etməkdir və görüşdən öncə qeyd etdiyimiz kimi, “ruslar Qarabağda öz gələcəklərini və kommunikasiyanın bərpasında cari prioritetlərini – ehtimal ki, Ermənistana quru əlaqəsinin daha tez əldə etmək istəyirlər – həll etmək niyyətindədir”.

Üçüncüsü, liderlər sərhəddə baş verən toqquşmalara toxunmadı: “Mümkündür ki, Moskvada da Ermənistanın sərhəddə hücumlarının məqsədini anlayırlar və qapalı görüşün əsas müzakirə mövzularından biri də sərhədlərin delimitasiyasıdır. Görüşdən sonra proseslərin cari dövr üçün iki istiqamətdə inkişafını təxmin etmək olar. Putin Əliyevlə görüşdən sonra Paşinyanla təmasa keçəcək. Bakının mövqeyini çatdıracaq və sərhəddəki gərginliyi aradan qaldırmağa çalışacaq. Putin-Paşinyan və Putin-Əliyev görüşünün cari nəticəsi olaraq, erməni diversantlarla mina xəritələrinin növbəti dəfə “barter” edilməsi gözləniləndir”.

PAYLAŞ

BIR CAVAB BURAXIN

Şərhinizi daxil edin!
Adınızı bura daxil edin

*

code