​HDQ-də Silahlı Qüvvələr Günü münasibətilə tədbir keçirildi

0
33

Hərbi Dəniz Qüvvələrində (HDQ) 26 iyun – Silahlı Qüvvələr Günü münasibətilə tədbir keçirilib.

Bu barədə Medonline.az-a Müdafiə Nazirliyindən məlumat verilib.

Əvvəlcə xalqımızın ümummilli lideri Heydər Əliyevin və ölkəmizin suverenliyi, ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.

Tədbirdə HDQ komandanı kontr-admiral Sübhan Bəkirov çıxış edərək Ermənistan silahlı birləşmələrinin təxribatlarına qarşı Müzəffər Ali Baş Komandanın rəhbərliyi altında əks-hücum əməliyyatları ilə başlanan və 44 gün davam Vətən müharibəsində rəşadətli Azərbaycan Ordusunun tarixi torpaqlarımızın işğaldan azad edilməsində qazandığı qələbədən danışıb.

HDQ komandanı Vətən müharibəsində qazanılan Qələbə və qarşıdan gələn 26 iyun – Silahlı Qüvvələr Günü münasibətilə şəxsi heyəti təbrik edərək onlara gələcək xidmətlərində uğurlar arzulayıb.

Sonda Azərbaycan Respublikası Prezidentinin sərəncamı ilə “Cəsur döyüşçü” və “Döyüşdə fərqlənməyə görə” medalı ilə təltif olunmuş hərbi qulluqçulara medallar, xidmətdə fərqlənən digər hərbi qulluqçulara isə fəxri fərman və qiymətli hədiyyələr təqdim olunub.

PAYLAŞ

BIR CAVAB BURAXIN

Şərhinizi daxil edin!
Adınızı bura daxil edin

*

code