“Azərbaycanın ədalətli mübarizəsində bu gün hər mənada onun yanında olan yalnız Türkiyədir”. Teleqraf.com xəbər verir ki, bunu politoloq Ərəstun Oruclu deyib. Ekspert Ermənistan-Azərbaycan münaqişəsi ətrafındakı son gəlişmələrə diqqət çəkib: “Son iki gündə Rusiya və İranın Azərbaycana münasibətinin loyallaşması geosiyasi konturları dəyişmək istəyinin əlaməti ola bilər. Belə ki, Rusiyanın Gürcüstan, Ermənistan və Azərbaycan üzərindən Yaxın Şərqə çıxışı Qarabağda gedən döyüşlər səbəbindən alınmaya bilər, çünki həmin Şimal – Cənub nəqliyyat dəhlizinin əsas seqmentlərindən biri olan Xudafərin qovşağı Cəbrayıl rayonunun ərazisindədir. Azərbaycanın həmin rayonu nəzarətə götürəcəyi halda da proyekt tam iflasa uğraya bilər. Odur ki, Rusiyanın alternativ variant kimi Dağıstan – Azərbaycan – İran marşrutunu nəzərdən keçirdiyi istisna deyil. Amma buna nail olmaq üçün də Azərbaycanın öz torpaqlarını azad etmək istəyinə tam dəstək verilməsi vacib şərtə çevrilir. Görünür Moskvada və Tehranda düşünürlər ki, Azərbaycanın ərazi bütövlüyünün bərpasını dəstəkləmək ölkədə ictimai rəyi bu iki ölkənin xeyrinə dəyişə bilər. Amma bu, zənnimcə, bir qədər yanlış hesablamadır, çünki Azərbaycanın ədalətli mübarizəsində bu gün hər mənada onun yanında olan yalnız Türkiyədir, azərbaycanlıların da Rusiya və İranı nə vaxtsa bu ölkədən üstün tutacağı inandırıcı deyil”.

0
50

   

Teleqraf.com-un “Tanımadığımız azərbaycanlılar” rubrikasında dünyaca məşhur olan, amma azərbaycanlı olduğunu çox az adamın bildiyi, çoxumuzun isə heç bilmədiyi şəxsiyyətlər haqda məlumatlar təqdim edilir.

Haqqında internet vasitəsilə məlumat əldə etdiyimiz şəxs türk musiqisinin ən məşhur simalarından biridir.

Tuğba Əkinci – pop müğənnisi, bəstəkar, aktrisa.

Tuğba Əkinci 1977-ci il iyunun 9-da Qarsda Azərbaycan əsilli ailədə dünyaya göz açıb.

Şou dünyasında debütü məşhur rejissor Osman Sınavın onu kəşf etməsi ilə baş verdi. Bodrumda “Mavi düşler” serialı çəkilərkən Tuğbanı gördü və ona təklif verdi. Bu serialda aldığı rol ona şöhrətin qapılarını açdı.

Bir müddət “D” kanalında yayımlanan “Çarkıfelek” adlı məşhur proqramda aparıcılıq edib.

1994-cü ildə Türkiyə Gözəllik Müsabiqəsinə qatılıb və ilk 20 namizəd arasında yer alıb. Atasının icazə verməməsindən sonra müsabiqədən geri çəkilmək məcburiyyətində qalıb.

Özcan Şenyaylardan xüsusi rəqs dərsləri alıb. “Buzda dans” müsabiqəsinin finalçılarından biri də Tuğba olub. Pendik liseyinin məzunudur. Anası tibb bacısı, atası isə texnologiya mühəndisidir.

Tuğba Əkinci müxtəlif illərdə işıq üzü görən “O Şimdi Asker”, “Boynuz”, “Yanma Demezler”, “100 Derece”, “Hadi Kızım”, “Git Git Gör Gününü” və “Para Babası” adlı albomların müəllifidir.

Tuğba Əkinci türk musiqisi və şou dünyasında özünəxas üslubu, cəsarətli geyim tərzi və çıxışları ilə tanınır. Müğənninin çəkdirdiyi hər klip olay yaradır. Tuğbanın Türkiyə, Azərbaycan və digər ölkələrdə məşhurluğu “O şimdi asker” adlı mahnısı ilə başlayıb.

Türkiyədə keçirilən son prezident seçkisində hazırkı dövlət başçısı Rəcəb Tayyib Ərdoğana verdiyi dəstəklə birmənalı qarşılanmamışdı. Buna görə, şou dünyasının məşhur simalarının kəskin tənqidlərinə məruz qalmışdı. O isə bu etirazlara rəğmən Ərdoğana olan simpatiyasını gizlətmir, mütəmadi olaraq sosial şəbəkə hesablarından türk liderinə dəstək paylaşımları edir.

Tuğba müsahibələrində, sosial şəbəkədəki paylaşımlarında Azərbaycana olan bağlarını da unutmur – bu ölkənin qızı olduğunu yazır, buranı öz Vətəni kimi qəbul etdiyini deyir.

Azərbaycandan olan pərəstişkarlarının yaddaşında isə bu sözlərlə qalır:

“Mən də Azərbaycan köklü ailənin qızıyam. Azərbaycan qardaş vətənimizdir”.

PAYLAŞ

BIR CAVAB BURAXIN

Şərhinizi daxil edin!
Adınızı bura daxil edin